感謝你選擇了新床單！以下是為安裝及使用說明，我會以影片逐步講解如何安裝。
如果是 2026 年 8 月底或之後購買的新底框：
請觀看以下片段即可！（不知道自己是哪個版本？： 2026 年 8 月底或之後購買的新底框底部兩邊長邊都有索扣，舊版本只有其中一邊的長邊底部有索扣）
如果客人的底框是在 2026 年 8 月底之前購買版本 請按此參考此頁的安裝說明：[元祖] Re Bedding 新床單安裝教學
安裝 BASE 底框教學（最新版本）
如果客人的底框是在 2026 年 8 月底之前購買版本 請按此參考此頁的安裝說明：[元祖] Re Bedding 新床單安裝教學
- 下一步便是安裝 Top Sheet。
安裝或更換 TOP SHEET 床面
- 先找出在床框的拉鍊頭及在床面的賿插，賿插位於床面的布標籖 （繡着 “Re Pillow Co.” 字樣）附近。
- 只要對準拉鍊頭及布標籖，將賿插插進拉鍊頭，便可像平時穿外套一樣將拉鍊拉上。
我好像安裝得沒有你的好看，如何可以將新床單安裝得更好看？
明白！因為床褥又厚又重，有時家居地方亦未必很大，第一次安裝有困難安裝得未如理想也是明白的。以下我寫一寫我自己係如何安裝新床單去影相嘅方法，因為其實我哋所有產品都係實物影相，都係咁樣做！下面冇花冇假，影相嘅產品都係同實際賣街嘅產品一樣，我以下呢個方法應該可以幫到你手：首先先將面嘅床面先除去。留下底框。呢個方法可以將個底框套得更加緊，因為你可以真正避免比嗰個床單限制住，可以將個底框套得更低，令到拉上張床單嘅時候，嗰張床單就會有一個拉扯力，可更加貼服床褥，亦都避免咗底框之後會走上來，呢個方法亦都係我自己喺拍攝所有產品相片同埋我自己屋企嗰張床都係咁樣用的，做一次就可以，之後都唔使再搞都會好靚 。
下一步，喺床褥底部正中間搵一些東西先承托住（例如新版本附送的「氣球」或儲物大膠箱等），以至床褥底部四邊沿都不會受力被壓住，咁樣去做下一步嘅時候，個底框可以更加自由鬆動，唔會被壓住，然後，再將底框四面平均慢慢「劣」低，更甚至將底框四邊的拉鍊從水平看，是四邊拉鍊輕微*低於床褥水平*，之後再索緊底框低下嘅索繩（呢個如何 LOCK緊底扣步驟必須要睇上面教學片段，因為好多客人都係呢個位置，因為底部嘅索繩冇索緊，變咗用用吓個底框就走上床面，但如果個索繩係有索緊的話，係不應該出現的，但呢個都係簡單嘅問題，只要睇住條片跟住做就可以），確保定好位，之後最後再拉上床面床單，應該會幫到手！因為咁樣做法，一索繩時 （1）會輕鬆很多，唔會咁用力因為四邊都沒有壓住（2）會可以輕易索得緊，床褥四邊都係，嗰個四邊都會可以「劣」低啲，可以更貼服「靚仔」。
亦都建議客人可以考慮看看此頁上面第一段安裝教學片，雖然確實較長，我亦明白，但應該會幫到手！
拆除及清洗
關於新床單的清洗方法和需知，由於歷來推出的款式物料眾多，為方便客人參考，我稿寫了一個 ALL-IN-ONE 所有產品各款清洗說明，請參考以下這一頁：所有產品清洗說明
如有任何困難、問題或需要，請隨時電郵 support@repillow.co 聯絡我們協助。謝謝。